«Тое ж самае, што будзе напісана Adidas». Як начальнік буда-кашалёўскай міліцыі тлумачыць выкарыстанне сваімі падначаленымі сімвалаў ваеннай агрэсіі
На выхадных супрацоўнікі Буда-Кашалёўскага РАУС (Гомельская вобласць) выйшлі на «Дзень здароўя» з сімваламі Z і V, а таксама лозунгамі расійскіх вайскоўцаў, якія напалі на Украіну. Пра гэта напісала мясцовая раёнка. Выданню «Зеркало» ўдалося спытацца ў начальніка аддзела, што гэта значыць, а яшчэ — ці можна жыхарам раёна выходзіць на вуліцу з украінскім сцягам.
У каманды супрацоўнікаў райаддзела ў руках самаробны плакат «Zадачу Vыполним». У некаторых на кепках побач з беларускім сцягам былі стужкі і ў колерах расійскага. «Зеркало» патэлефанавала начальніку Буда-Кашалёўскага РАУС Віталю Падзяруну, прадставіўшыся жыхаром райцэнтра, і спыталася, ці значыць гэта, што ў аддзеле падтрымліваюць напад Расіі на Украіну.
Доўгі час гаварыць па тэлефоне на гэтую тэму кіраўнік РАУС не хацеў — запрашаў прыйсці асабіста на прыём або даслаць пісьмовы зварот. Але потым усё ж даў адказ:
— Нашы супрацоўнікі не забараняюць нейкія моманты могуць [выкарыстоўваць], тое ж самае, што на шапцы будзе напісана Adidas ці яшчэ нешта. Гэта ж не забаронена, правільна? Шапкі надзелі такія, якія былі.
Таксама ў яго спыталіся, чаму ў беларускіх міліцыянераў на кепках — расійскі сцяг, ці плануюць нашы праваахоўнікі ехаць ва Украіну ваяваць на баку Расіі, але адказаў на гэтыя пытанні не атрымалі.
— З украінскім сцягам можна выйсці на вуліцу? Ён жа таксама не забаронены.
— Я вам такі дазвол не дам, не даю дакладней — мы не кампетэнтныя ў гэтым, — смеючыся, адказаў начальнік райаддзела.
— Гэта значыць, украінскі сцяг нельга, а з літарамі Z і V — можна?
— Я вам не магу ні дазволіць, ні забараніць, — адказаў Віталь Падзярун.
Чытайце таксама:
У Гомельскай вобласці міліцыя выйшла на спартовае свята з літарай Z і расійскай сімволікай паралельна з беларускай
Цяпер чытаюць
Ці варта купляць закінутую хату за адну базавую і колькі гэта каштуе насамрэч? Вось што расказваюць людзі4
Каментары