Дональд Трамп ведаў, што яго прыхільнікі ўзброеныя і могуць звярнуцца да гвалту, калі падбухторваў іх да штурму Капітолія 6 студзеня 2020 года пасля паразы на выбарах. Пра гэта былая памочніца кіраўніка прэзідэнцкай адміністрацыі Кэсідзі Хатчынсан паведаміла пад прысягай камісіі Кангрэса, якая расследуе абставіны штурму, піша Бі-бі-сі.
Камісія праводзіць серыю публічных слуханняў з мэтай высветліць, ці прыклаў экс-прэзідэнт асабіста руку да таго, каб перашкодзіць Кангрэсу пацвердзіць вынікі выбараў 2020 года.
Да гэтага часу камісія не мела сведчанняў чалавека, які з першых рук ведаў бы аб тым, што рабілася ў Белым доме непасрэдна перад штурмам. І вось у ходзе ўжо шостых па ліку слуханняў Хатчынсан, падобна, запоўніліся усе прабелы ў следстве.
Будучы памочніцай кіраўніка прэзідэнцкай адміністрацыі Марка Медоўза, яна штодня мела зносіны са сваім шэфам, заўсёды была паблізу ад Авальнага кабінета і ўзгадала, як за некалькі дзён да штурму Капітолія Медоўз казаў, што «справы могуць прыняць вельмі кепскі абарот».
Тым не менш, раніцай 6 студзеня, калі Медоўзу паведамілі, што на мітынг з удзелам Трамп прыйшлі яго прыхільнікі з пісталетамі, нажамі і іншай зброяй, ён толькі на імгненне адарваўся ад тэлефона, каб спытаць: «Што-небудзь яшчэ?»
Хатчынсан сцвярджае таксама, што Трампу казалі пра тое, што некаторых з яго прыхільнікаў не прапусціла служба бяспекі, паколькі яны былі ўзброеныя, але прэзідэнт распарадзіўся прыбраць металадэтэктары і ўпусціць усіх жадаючых патрапіць на мітынг, нібыта заявіўшы: «яны прыйшлі не для таго, каб нашкодзіць мне, прапусціце іх».
Трамп адрэагаваў на заяву Хатчынсан на сваёй анлайн-платформе Truth Social проста падчас дачы паказанняў. «Я не хацеў і не патрабаваў, каб узброеных людзей пусцілі слухаць мой выступ — напісаў ён. — Каму такое наогул магло б прыйсці ў галаву?»
Даючы паказанні, Хатчынсан намалявала не самы добры партрэт прэзідэнта, які, па яе словах, часам вельмі бурна рэагаваў на непрыемныя навіны.
Так, калі ў 2020 годзе генеральны пракурор Уільям Бар адмёў сцвярджэнні прэзідэнта аб тым, што падчас выбараў меў месца падлог, Трамп у гневе разбіў посуд, што ён рабіў і ў мінулым, расплюхаўшы па сценах кетчуп.
Хатчынсан таксама сцвярджала, што пасля таго, як яго прыхільнікі пайшлі маршам на Капітолій, Трамп пажадаў асабіста далучыцца да іх і нават рваўся сесці за руль прэзідэнцкага лімузіна, калі супрацоўнікі Сакрэтнай службы адмовіліся везці яго туды.
Хатчынсан — не першы супрацоўнік Белага дома, які даваў паказанні камісіі, аднак у адрозненне ад астатніх яна пагадзілася прыняць удзел у грамадскіх слуханнях.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну16
Каментары