Невядома, што стала прычынай канфлікту паміж двума мужчынамі, аднак ясна, што ён скончыўся бойкай на праезнай частцы, піша Onliner.
Відэа сітуацыі даслаў у Onliner чытач. Сцвярджае, падзеі развіваліся ўчора каля 20:00 на Партызанскім праспекце, непадалёк ад аднайменнай станцыі метро.
Сведка не бачыў пачатку бойкі, застаў толькі яе развіццё. Мяркуе, усё пачалося з-за канфлікту ў тралейбусе. Пасля двое мужчын выйшлі на дарогу: адзін адціскаў другога ў бок тратуара. У нейкі момант у апошняга пачаўся прыпадак, ён перакрыў правую паласу руху. Яго апанент вярнуўся ў тралейбуc — зайшоў у дзверы ў кабіну, пасля чаго тралейбус з'ехаў. Чалавек з прыпадкам застаўся ляжаць на праезнай частцы, яму спрабавалі дапамагчы мінакі.
Пазней на месца здарэння прыбыла брыгада медыкаў. Мужчыну павезлі на машыне хуткай дапамогі.
Каментары