У беларускай валанцёркі з Бучы не прынялі дакументы для легалізацыі ва Украіне
У Карыны Пацёмкінай, беларускай валанцёркі з Бучы, не прынялі дакументы для падачы на часовы дазвол на жыхарства ва Украіне, паведамляе выданне «Медыязона».
Са слоў дзяўчыны, яна прыйшла ў міграцыйную службу, каб падаць дакументы на афармленне часовага дазволу на жыхарства ва Украіне, выкарыстоўваючы для гэтага як падставу «валанцёрства ў арганізацыі». Але пакет дакументаў, у тым ліку падзяку ад Бучанскай тэрытарыяльнай грамады, не прынялі, кажа Пацёмкіна.
Пазней супрацоўніца міграцыйнай службы забрала ў Пацёмкінай пашпарт і сказала, што ў яе будзе штраф, але «мінімальны, бо яна валанцёр».
«Паслязаўтра я пайду за пашпартам, а там будзе штамп. І я не прыеду ў Украіну, таму што цяпер яны дэпартуюць усіх без разбору. Ставяць вось гэтыя штампы і даюць штрафы», — лічыць валанцёрка.
Да гэтага на тэрыторыі Украіны Пацёмкіна знаходзілася без дазволу на жыхарства і жыла ў Бучы. З наступленнем расійскіх войскаў яна змагла эвакуіравацца, але потым вярнулася «як толькі можна было», кажа дзяўчына.
«Я проста легальна знаходзілася на тэрыторыі Украіны 180 дзён. Я таксама ўцякла, але не падавалася на палітычны прытулак. Я толькі патэлефанавала [ў міграцыйную службу] і мне сказалі, што на ваенным становішчы яны не прымаюць заявы на бежанства, але нібыта мой званок зафіксавалі і ператэлефануюць мне, як скончыцца вайна» — — патлумачыла дзяўчына.
30 чэрвеня Карыне Пацёмкінай уручылі падзяку за валанцёрскую дзейнасць ва Украіне. Узнагароджанне праходзіла ад імя Бучанскай тэрытарыяльнай грамады. Тады Пацёмкіна апублікавала на сваёй старонцы ў фэйсбуку відэа цырымоніі.
«У кожнай грамады ёсць свая праца. У кожнай нацыі ёсць раны для гаення. У кожным сэрцы ёсць сіла зрабіць гэта», — напісала тады валанцёрка на ўкраінскай мове.
Цяпер чытаюць
Што вядома пра затрыманых радыёаматараў, якім пагражае аж да расстрэлу15
Каментары