Жыхара Маладзечна асудзілі на паўтара года хатняй хіміі за тры каментарыі
Сёння ў судзе Маладзечна і Маладзечанскага раёна палітвязня Аляксандра Казакевіча асудзілі на паўтара года абмежавання волі без накіравання ў папраўчую ўстанову адкрытага тыпу — «хатняй хіміі».
Суддзя Вольга Дубовік прызнала яго вінаватым паводле арт. 369 Крымінальнага кодэкса («Абраза прадстаўніка ўлады»). У судовых спрэчках абаронца палітвязня прасіў абмежавацца арыштам, а пракурорка Юлія Жук, якая прадстаўляла бок дзяржабвінавачання, — прызначыць Казакевічу два гады «хатняй хіміі», паведамляе «Вясна».
Пацярпелымі па справе былі прызнаныя тры чалавекі. У бок начальніка Следчага камітэта Івана Наскевіча Аляксандр Казакевіч пакінуў каментарый 19 лютага 2021 года ў тэлеграм-канале «Лухтавікінг». Яшчэ два каментарыі палітвязень напісаў у сакавіку 2021 года ў тэлеграм-канале «Маладзечна для жыцця». Абодва пацярпелыя — начальнік камісіі па справах непаўналетніх Аляксей Посах і оперупаўнаважаны па барацьбе з эканамічнымі злачынствамі Сяргей Белячэўскі — запрасілі па 2000 рублёў кампенсацыі маральнай шкоды.
Траіх пацярпелых па справе дапыталі 5 ліпеня падчас першага пасяджэння ў судзе. Потым разгляд справы перанеслі на 18 ліпеня, калі адбыліся спрэчкі бакоў. Прысуд быў вынесены 19 ліпеня: суддзя Вольга Дубовік прызначыла Казакевічу паўтара года абмежавання волі без накіравання ў папраўчую ўстанову адкрытага тыпу. Таксама абвінавачаны мусіць выплаціць 2000 рублёў на карысць пацярпелых.
Аляксандра Казакевіча вызвалілі ў зале суда. Ён правёў у зняволенні тры месяцы.
Цяпер чытаюць
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай6
Расійскі прадавец паспяховага поспеху паспрабаваў адкрыць філіял у Мінску. Рэакцыя беларусаў была паказальнай
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3333
Каментары