Ліванскія СМІ паведамілі пра затрыманне сірыйскага судна, якое абвінавачваюць у перавозцы скрадзенага ва Украіне зерня
Партал LBC паведаміў, што судна ў порце Трыпалі арыштаванае пракуратурай, а расследаванне вядуць спецслужбы.
Напярэдадні пасольства Украіны ў Ліване паведаміла, што суд Украіны выдаў ордар на арышт на 72 гадзіны ў порце Бейрута судна Laodicea пад сірыйскім сцягам і грузу на борце.
«Судна прыбыла з крымскага порта, закрытага для міжнародных грузавых перавозак, з 5000 тонамі ячменю і 5000 тонамі пшаніцы, канфіскаваных, як мы падазраем, з украінскіх запасаў», — паведамляе Reuters са спасылкай на крыніцу ў амбасадзе.
Па словах прадстаўніка дыпламатычнага ведамства, у выпадку канфіскацыі грузу Украіна будзе гатова весці перамовы аб умовах яго перадачы ў Ліван.
У сваю чаргу амбасада Расіі ў Ліване паведаміла мясцовым СМІ, што не мае інфармацыі пра карабель, назваўшы ўкраінскія абвінавачваньні «ілжывымі і беспадстаўнымі».
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары