Эстонскі банк LHV Pank з 9 жніўня спыняе прыём плацяжоў ад беларускіх і расійскіх банкаў. Гэта тлумачыцца «складанай міжнароднай абстаноўкай, выкліканай расійска-ўкраінскай вайной».
«Правядзенне плацяжоў, звязаных з Расіяй і Беларуссю, стала вельмі складаным і рызыкоўным з-за абмежаванняў, накладзеных ўстановамі-пасярэднікамі па плацяжах. Таму LHV вырашыў спыніць прыём ўваходных плацяжоў з Расіі і Беларусі ў дадатак да ранейшых абмежаваннях на выходныя плацяжы», — паведамляе прэс-служба банка.
Забарона закране ўсе валюты і ўсе даччыныя кампаніі расійскіх і беларускіх банкаў, якія могуць быць зарэгістраваныя або весці дзейнасць за межамі Беларусі і Расіі. Плацяжы, атрыманыя пасля 9 жніўня, будуць вяртацца адпраўнікам.
Банк будзе прымаць плацяжы толькі ў выключных выпадках, звязаных з нацыянальнымі інтарэсамі Эстоніі або сацыяльнымі прычынамі (напрыклад, выплата пенсій).
Для атрымання пенсій або сацыяльнай дапамогі з Беларусі ці Расіі банк рэкамендуе звярнуцца ў Дэпартамент сацыяльнага страхавання Эстоніі.
Цяпер чытаюць
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі3
Пастпрад Беларусі ў ААН сустрэнецца з Коўлам і перадасць яму пасланне ад Лукашэнкі
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было55
Каментары