З пачатку вайны ва Украіне загінула 5327 мірных жыхароў, яшчэ 7257 чалавек былі параненыя. Пра гэта паведамляе Упраўленне вярхоўнага камісара ААН па правах чалавека.
Сярод загінулых — 2056 мужчын, 1400 жанчын, 146 дзяўчат і 165 хлопчыкаў. Пол яшчэ 41 загінулага дзіцяці і 1519 дарослых устанавіць не ўдалося, адзначылі ва ўпраўленні.
На тэрыторыях Данецкай і Луганскай абласцей, якія кантралюе ўкраінскі ўрад, былі забітыя 2897 мірных жыхароў, яшчэ 2905 пацярпелі. На тэрыторыі, якая кантралюецца ўзброенымі групамі, звязанымі з Расіяй, загінуў 251 чалавек, раненні атрымалі 992 цывільныя асобы.
Прычынай большай часткі зафіксаваных выпадкаў гібелі або ранення мірных жыхароў было прымяненне выбуховых прылад з шырокай зонай знішчэння, у тым ліку абстрэлы з цяжкай артылерыі і рэактыўных сістэм залпавага агню, а таксама ракетныя і авіяўдары.
Каментары