Грамадства1212

Ездзіць на BMW Х5, мае рэпрэсаванага продка: хто цяпер кіруе ГУБАЗіКам

Пасля пераводу Андрэя Паршына на службу ў дэпартамент забеспячэння аператыўна-вышуковай дзейнасці галоўная арганізацыя па тэроры беларусаў — ГУБАЗіК МУС — засталася без кіраўніка. Пару дзён таму паказалі новага (часовага) начальніка — палкоўніка Дзмітрыя Ковача. 

Ковач нарадзіўся ў 1979 годзе ў пасёлку гутнікаў — у Ялізаве Асіповіцкага раёна. 

Пачынаў службу ў 2000-м з пасады патрульна-паставога ў Асіповіцкам РАУСе, потым перайшоў у крымінальную міліцыю аператыўнікам па эканоміцы, у ГУБАЗіКу — з 2004-га. 

З 2018 — намеснік начальніка ўпраўлення. 

«У ГУБАЗіКу апошнім часам ён кіраваў «эканамічным блокам», мае шмат сувязяў сярод камерсантаў. Эканамічныя і карупцыйныя затрыманні — гэта ўсё ягонае», — кажа пра Ковача афіцэр Міністэрства ўнутраных спраў. 

Ковач мае рэпутацыю чалавека, які сочыць за сваім гардэробам, ходзіць на работу ў добрых касцюмах, а таксама ездзіць на БМВ Х5. 

Натуральна, Ковач праявіў сябе ў ходзе падзей 2020 года і наступнага перыяду. 

«Ковач кіраваў захопам подпісаў у офісе Бабарыкі, падчас чаго былі скрадзеныя даныя беларусаў, якія пакідалі подпіс. У наступным гэта стала каштоўным матэрыялам для палявання на людзей з іншымі палітычнымі поглядамі дзяржаўных органах і сілавых структурах. Ковач — герой сістэмы», — кажа былы супрацоўнік МУС.

Варта патлумачыць, што подпісы так і так былі здадзеныя ў Цэнтравыбаркам, але ў офісе Бабарыкі палітычная паліцыя захапіла алічбаваныя даныя, што спрасціла далейшую працу рэпрэсіўных органаў.

Мяркуецца, што менавіта Ковач кіраваў затрыманнем работніка «Белтэлекама» Аляксея Бычкоўскага.

«Наша Ніва» гаварыла з чалавекам, які сядзеў з Бычкоўскім у адной камеры пасля яго затрымання. Ëн сказаў, што Бычкоўскага даставілі туды збітым да паўсмерці, а сам Бычкоўскі думаў, што не даедзе да СК. 

Ковач таксама быў камандзірам адной з груп ГУБАЗіКа, якая ў бронекамізэльках і з палкамі лавіла беларусаў у фіналах вялікіх маршаў у верасні і кастрычніку 2020 года. 

Цікава, што ў палкоўніка Ковача, які браў непасрэдны ўдзел у арганізацыі масавых палітычных рэпрэсій 2020—2022 гадоў, у свой час у самога быў рэпрэсаваны продак. 

Брат ягонага прадзеда, Краснагіра Давыд Сяргеевіч з вёскі Крывічы Лідскага раёна, быў рэпрэсаваны па артыкуле 63-1 КК БССР — «Здрада радзіме». Яго справу вёў УМГБ Гродненскай вобласці ў 1948 годзе. 

«Здрадай радзіме» прызнаваліся дзеянні, учыненыя на шкоду ваеннай моцы СССР, яго дзяржаўнай незалежнасці і недатыкальнасці тэрыторыі, а таксама шпіянаж, выдача ваенных ці дзяржаўных таямніц, пераход на бок ворага, уцёкі ці пералёт за мяжу. У рэальнасці ж у той час гэтае абвінавачванне выстаўлялі людзям з самым шыроким спектрам віны — ад «неданясення» да ўдзелу ў антысавецкім падполлі.

За якое канкрэтна дзеянне абвінавацілі Давыда Сяргеевіча і што з ім стала ў выніку, невядома. Невядома і ці ведае сам Ковач, што яго продак прайшоў праз такую пакуту.

«Наша Нiва» — бастыён беларушчыны

ПАДТРЫМАЦЬ

Чытайце таксама:

«Жыву ў свабоднай краіне»: падлетак пасадзіў на зямлю экс-кіраўніка ГУБАЗіКа. Той у адказ пачаў страляць ПАДРАБЯЗНАСЦІ

Каментары12

  • аня
    02.08.2022
    от 6000$ до 166 700 $, ни о чем не сказали
  • даведка
    03.08.2022
    А чем не угодил Миша Бедункевич, который уже был подписан на официальном сайте мвд начальником ГУБОПиК?!
  • Vik
    03.08.2022
    даведка, Спалился.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1

«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў

Усе навіны →
Усе навіны

Расія закрые неба над Капусціным Ярам. Раней так рабілі пры атацы «Арэшнікам»

Максім Недасекаў выставіў на продаж машыну. Сцвярджае, што хоча набыць нерухомасць8

Еўрапейскія лідары прыехалі ў Кіеў

У Жыровіцах дашчэнту разбіраюць барочную царкву XVIII стагоддзя9

Пакістан пачаў ваенную аперацыю супраць Індыі2

«Гаворка пра сотні чалавек». За год у спісе «экстрэмісцкіх фармаванняў» з’явіліся сем адукацыйных праектаў6

КДБ прызнаў «тэрарысткамі» заснавальніц Imaguru1

Амерыканская амбасада ў Кіеве папярэдзіла пра магчымы маштабны абстрэл Украіны1

Ці сапраўды можна страціць да 10 кілаграмаў падчас сну? Нават больш!

больш чытаных навін
больш лайканых навін

«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў1

«Я сказаў на відэа, што мяне не катуюць — на той момант гэта было праўдай. А пасля мяне білі дзве гадзіны». Украінскі журналіст два гады правёў у расійскім палоне — вось што ён перажыў

Галоўнае
Усе навіны →

Заўвага:

 

 

 

 

Закрыць Паведаміць