Навукоўцы зарэгістравалі 29 чэрвеня самы кароткі дзень за ўсю гісторыю назіранняў — з тых часоў, як атамны гадзіннік пачаў адсочваць кручэнне Зямлі ў 1960-х гадах.

Гэта даказвае, што ў апошнія гады планета круціцца хутчэй, хоць дакладная прычына гэтага невялікага паскарэння застаецца загадкай. З 2020 года планета пабіла ўласны рэкорд хуткасці больш двух дзясяткаў разоў, адмяніўшы больш ранні дзесяцігадовы перыяд трохі больш доўгіх дзён.

Зямля не з'яўляецца ідэальнай сферай, і яе кручэнне заўсёды трохі збіваецца з-за шматлікіх фактараў, уключаючы ўнутраную структуру, уплыў прыліваў і адліваў і кліматычныя змены. Даследчыкі выказалі здагадку, што нядаўняе паскарэнне таксама можа быць звязанае з ваганнямі геаграфічных палюсоў Зямлі.

«Гэта, безумоўна, дзіўна. Відавочна, што нешта змянілася, і змянілася так, як мы не бачылі з моманту з'яўлення дакладнай радыёастраноміі ў 1970-х», — заявіў Мэт Кінг, прафесар Універсітэта Тасманіі.

Калі на Зямлі працягнуць рэгістраваць больш кароткія дні, навукоўцам, магчыма, прыйдзецца адняць секунду з атамнага гадзінніка, што стане першым прыкладам адмоўнай дадатковай секунды ў гісторыі. У мінулым для карэкціроўкі гадзінніка дадаваліся вісакосныя секунды, але пакуль нікому не даводзілася іх адымаць.

Зрэшты, гэта чакана: раней даследчыкі ўжо высветлілі, што прыкладна праз 6,7 мільёнаў гадоў дзень стане на хвіліну даўжэйшы.

Клас
3
Панылы сорам
2
Ха-ха
4
Ого
19
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
viedaju / Адказаць
03.08.2022
Tut adno z dvoch, albo praz tajannie liedavikou, albo praz zlosc liudzkuju.
0
антисвета / Адказаць
03.08.2022
напэўна плаціну кітайскую спынілі. бо раней пісалі, што хуткасць кручэння Зямлі наадварот замедлілася
"Плотина представляет собой самый тяжелый объект, созданный руками человека. Поднимаясь над уровнем моря на 185 метров и имея длину 2300 метров, она вмещает в себя 39 трлн литров воды. Такая масса повлияла на инерцию планеты и замедлила угловую скорость ее вращения."
0
Ася / Адказаць
04.08.2022
Ля Ля ля ля ля ля ля Вееееертится быстрей земля! Это ж медведи чешутся о земную ось. Видно блохи до них добрались из за глобального потепления.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру