4 жніўня каля 6:30 раніцы ў кватэру да актывіста ўварваліся сілавікі ў камуфляжы. Быў праведзены ператрус, пасля чаго Іванова павезлі на допыт, паведамляе «Вясна».
Праўладныя каналы паведамляюць, што 60-гадовы мужчына, які працаваў HR у IBA-Gomel, затрыманы паводле арт. 361-4 КК («садзейнічанні экстрэмісцкай дзейнасці») за фота і відэа вайсковай тэхнікі, дасланае «экстрэмісцкім каналам».
Санкцыі гэтага артыкула прадугледжваюць пакаранне ў розных частках ад 5 да 12 гадоў пазбаўлення волі.
Аляксандр Іваноў затрымліваўся на пратэстах пасля выбараў 2020 года, быў адміністратыўна арыштаваны на 14 сутак. Таксама прыцягваўся да адміністрацыйнай адказнасці за распаўсюд экстрэмісцкіх матэрыялаў.
Каментары