Прэм’ер-міністаркі Фінляндыі і Эстоніі выказаліся за абмежаванне выдачы краінамі ЕС турыстычных віз расіянам
Сана Марын і Кая Калас выказаліся за абмежаванні выдачы краінамі ЕС турыстычных віз расіянам, пакуль Расія вядзе агрэсіўную вайну ў Еўропе.
«Няправільна, што пакуль Расія вядзе агрэсіўную і бязлітасную вайну ў Еўропе, расіяне могуць жыць як ні ў чым не бывала, і падарожнічаць па Еўропе. Гэта несправядліва», — сказала кіраўніца фінскага ўрада Сана Марын.
На яе думку, Фінляндыя магла б самастойна запаволіць выдачу ўязных дакументаў, але такія рашэнні павінны прымацца сумесна ў ЕС.
«Спыніце выдачу турыстычных віз расіянам. Наведванне Еўропы — гэта прывілей, а не права чалавека, — напісала прэм’ерка Эстоніі Кая Калас. — Авіяспалучэнне з Расіяй закрытае. Гэта азначае, што пакуль краіны Шэнгенскай зоны выдаюць візы, цяжар нясуць суседзі Расіі. Час спыняць турызм з Расіі ўжо цяпер».
Раней прэзідэнт Украіны Уладзімір Зяленскі заклікаў заходнія краіны абмежаваць уезд для расіян.
Цяпер чытаюць
Іх Зарэцкая: дэпутат-ябацька Алег Навіцкі кінуў беларускіх інвестараў на мільёны даляраў. Дэталі схемы2
Каментары