Стала вядома, якія імпартазамяшчальныя праекты будуць рэалізаваны за кошт крэдытных рэсурсаў Расіі і хто атрымае грошы
Расія выдзеліць $1,5 млрд на ўдзел Беларусі ў праграмах імпартазамяшчэння. Прэмʼер-міністр Беларусі Раман Галоўчанка расказаў, якія імпартазамяшчальныя праекты будуць рэалізаваны за кошт крэдытных рэсурсаў РФ, паведамляе БЕЛТА.
«Цяпер урады адпрацоўваюць два напрамкі. Першы — непасрэдна крэдытнае пагадненне, умовы прадастаўлення рэсурсаў. Другое — пералік праектаў, якія будуць рэалізоўвацца, у тым ліку з прыцягненнем гэтых сродкаў. У прадукцыі, якая будзе выпускацца па гэтых праектах, ёсць высокая патрэбнасць і ў беларускіх, і ў расійскіх вытворцаў. Менавіта па гэтым крытэры вызначаны першыя тры праекты», — сказаў Раман Галоўчанка.
Першы з іх — вытворчасць светлавога абсталявання для аўтамабільнай тэхнікі. Праект будзе рэалізаваны ў Рудэнску на базе аднаго з прадпрыемстваў. Там будзе выпускацца святлодыёдная оптыка для ўсіх відаў транспартных сродкаў.
Другі праект — стварэнне тармазных сістэм.
Трэці — кольцараскатная вытворчасць, якая патрэбная для аўтапрама. Яго будзе рэалізоўваць БелАЗ на базе аднаго з прадпрыемстваў у Аршанскім раёне.
«Ёсць цэлы пул праектаў, які плануецца рэалізаваць на базе «Амкадора», дадае БЕЛТА.
Галоўчанка таксама пракаментаваў тэму ўпакоўкі для малака і адзначыў неабходнасць заняцца ўласнай вытворчасцю аналага тэтрапака.
«Мы не можам выпусціць свой айфон». Што з імпартазамяшчэннем?
Цяпер чытаюць
Кадэбэшнікі тэлефануюць беларусам у эміграцыі праз іх сяброў — чаго хочуць?10
Каментары