79‑гадовы госць з Лондана звярнуўся ў адзін з абменных пунктаў горада Мінска, каб абмяняць прывезеную з сабой валюту.
Мужчына планаваў абмяняць 5 купюр наміналам 20 англійскіх фунтаў стэрлінгаў кожная, аднак падчас праверкі сапраўднасці аднаго з грашовых білетаў у касіра валютна-абменнага пункта ўзніклі сумненні.
Міліцыя канфіскавала купюру і накіравала яе ў Дзяржаўны камітэт судовых экспертыз.
Паводле высновы эксперта, банкнота выраблена не адпаведным прадпрыемствам, паведамляе Дзяржкамітэт судовых экспертыз.
Гэта пацвярджаецца іншай колераперадачай выяў, выкананых спосабам электрафатаграфічнага друку, а таксама імітацыяй паласной галаграмы з нанесенымі тэкстам і выявамі, выкананымі спосабам флексаграфічнага друку.
Гэта не першы выпадак выяўлення фальшывых фунтаў стэрлінгаў. Раней аналагічны выпадак з 20 фунтамі быў зафіксаваны ў Гомелі.
Каментары