Бустарную вакцыну ад каранавіруса і прышчэпку ад грыпу ў Мінску можна будзе зрабіць адначасова
У Мінску з 1 кастрычніка стартуе вакцынацыя ад грыпу, прычым прышчапіцца ад гэтага захворвання і паставіць «бустар» ад кавіду пры жаданні можна будзе адначасова, у тым ліку ў выязных пунктах вакцынацыі. Пра гэта паведаміла старшыня камітэта па ахове здароўя Мінгарвыканкама Алена Богдан, перадае прэс-служба ведамства.
Богдан сказала, што цяпер назіраецца ўздым захворвання на каранавірус, хоць ён і значна меншы, чым год таму:
«Штам «Амікрон», а таксама ягоныя падтыпы — «Ніндзя» і «Кентаўр», характарызуюцца больш высокай кантагіёзнасцю. Але клінічная карціна складаецца такая, што каранавірусная інфекцыя не прэвалюе ў цяжары. Аднак пры гэтым яна можа выклікаць абцяжарванне наяўных у пацыентаў хранічных захворванняў».
Алена Богдан заклікала вакцынавацца, каб абараніцца ад цяжкага працякання хваробы. Вакцыны ёсць на выбар: «Спутнік» расійскай і беларускай вытворчасці, «Спутнік лайт» і вакцына кітайскай вытворчасці.
З 1 кастрычніка ў Мінску стартуе вакцынацыя супраць грыпу, і зрабіць бустарную прышчэпку ад каранавіруса і прышчэпку ад грыпу можна будзе ў адзін дзень са згоды пацыента.
Па словах Алены Богдан, вакцына ад грыпу таксама з'явіцца ў выязных пунктах.
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках77
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках7
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары