Палітвязень Віктар Пархімчык выйшаў на волю. Яго асудзілі за раскіданыя самарэзы
Сёння палітзняволены Віктар Пархімчык скончыў адбываць тэрмін у папраўчай калоніі №17 і выйшаў на волю.
У канцы красавіка Пархімчыку ўзмацнілі рэжым і перавялі з «хіміі» ў папраўчую калонію.
15 студзеня 2021 года Віктара асудзілі на два гады «хіміі» па ч. 1 арт. 339 КК (хуліганства). У віну Пархімчыку ставілася тое, што ў перыяд з 12 па 16 лістапада ў некалькі этапаў з «хуліганскіх меркаванняў» ён раскідаў 510 самарэзаў на праезнай частцы каля адміністрацыйнага будынка памежнага камітэта.
Аднак не давёў злачынства да канца, бо супрацоўнікі памежнага камітэта збіралі раскіданыя самарэзы з праезнай часткі да таго, як па іх праязджаў аўтатранспарт.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары