Устаноўчы сход прайшоў у мінскім гатэлі Crowne Plaza.
28 верасня ў мінскім гатэлі Crowne Plaza адбылася прэзентацыя Інстытута палітычных даследаванняў «Палітычная сфера».
Асновай Інстытута стала група маладых даследчыкаў, што склалася вакол часопіса «Палітычная сфера», заснаванага яшчэ ў 2001 годзе. Сярод іх Андрэй Казакевіч — дырэктар, Андрэй Асадчы — асістэнт дырэктара, Дзяніс Мельянцоў, Андрэй Ягораў, Сяргей Богдан, Андрэй Валодзькін, Аляксей Крывалап, Аляксей Ластоўскі, Аляксандр Філіпаў, Андрэй Храпавіцкі.
Галоўнымі мэтамі дзейнасці Інстытуту павінны стаць інтэграцыя беларускіх навукоўцаў у міжнародную акадэмічную супольнасць, фармаванне прафесійнай супольнасці даследчыкаў палітыкі ў Беларусі, мадэрнізацыя выкладання палітычных дысцыплін.
Новая інстытуцыя плануе актыўна займацца выдавецкай, аналітычнай і акадэмічнай дзейнасцю.
Нагадаем, што ініцыятары стварэння Інстытута палітычных даследванняў «Палітычная сфера» ад 2006 года з’яўляліся супрацоўнікамі дэпартамента паліталогіі ЕГУ.
Аднак з прычыны непаразуменняў з кіраўніцтвам універсітэта заявілі аб магчымасці сыходу з установы.
Цяпер чытаюць
Анжаліка Мельнікава пасля знікнення набыла дзве кватэры ў Мінску64
Каментары