На будоўлі паблізу нямецкага горада Цюбінген выявілі дзесяць беларусаў, якія не мелі права працаваць на тэрыторыі Нямеччыны, паведамляе Presseportal.de.
Фота: presseportal.de
Мужчыны прыехалі ў Еўрасаюз па польскіх візах. Якім чынам яны трапілі ў Нямеччыну — высвятляецца. Факт парушэння працоўнага заканадаўства выявілі падчас інспекцыі прыватнай будоўлі ў раёне Цюбінгена. Інспектары вывучылі дакументы гастарбайтэраў і высветлілі, што дазволаў на працу ў Нямеччыне ў іх не было.
З парушальнікаў узялі 2500 еўра закладу. Цяпер яны чакаюць дэпартацыі.
Таксама фінансавы кантроль ініцыяваў праверку заказчыка работ у Мюнхене, і польскага субпадрадчыка.
Каментары