З 1 лютага 2025 года кліентаў Беларусбанка чакаюць новыя правілы. Яны звязаныя з камісіямі за зняцце наяўных, перавыпуск картаў і іншымі паслугамі.
Банк пачне спаганяць 2,5% ад сумы за зняцце наяўных у банкаматах іншых банкаў.
Змены закрануць і перавыпуск картак у выпадку іх страты або крадзяжу. Міжнародныя карткі будуць каштаваць 12 руб., а перавыпуск Mastercard абыйдзецца ў 20 руб.
Таксама Беларусбанк увёў камісію ў памеры аднаго рубля за правядзенне безнаяўных плацяжоў па рэквізітах праз інфакіёскі, інтэрнэт-банкінг і іншыя сэрвісы банка.
Для ўладальнікаў Mastercard World з лінейкі «Шчодрая» прадугледжана новае правіла: калі на працягу месяца сума безнаяўных аперацый па карце складзе 600 руб. і больш, плата за яе абслугоўванне спаганяцца не будзе.
Каментары