Крымінальную справу супраць абранага прэзідэнта ЗША Дональда Трампа разгледзяць у судзе 10 студзеня, калі да ягонай інаўгурацыі застанецца ўсяго 10 дзён.
Дональд Трамп, які быў прызнаны вінаватым у фальсіфікацыі дзелавых дакументаў для выплаты «ціхіх грошай» зорцы фільмаў для дарослых Стормі Дэніэлс, можа прысутнічаць на слуханні асабіста ці праз інтэрнэт. Адпаведнае рашэнне павінна быць прынята да 5 студзеня.
Суддзя Хуан Мерчан прызначыў дату абвяшчэння прысуду на пятніцу, 10 студзеня, адхіліўшы просьбу Трампа адмяніць прысуд на падставе недатыкальнасці прэзідэнта. Суддзя сказаў, што такога імунітэту для абранага прэзідэнта не існуе.
Адвакаты Трампа настойвалі на тым, што разгляд справы ўскладніць здольнасць новаабранага прэзідэнта кіраваць краінай, але суддзя з гэтым не пагадзіўся, падкрэсліўшы важнасць прытрымлівання закона.
«Пастанова з'яўляецца ўдарам па намаганнях Трампа пакінуць справу ў мінулым і рыхтуе перадумовы для патэнцыйна выбуховага з'яўлення ў судзе толькі за 10 дзён да яго інаўгурацыі», — піша Bloomberg.
Зрэшты, хоць палітыку нібыта пагражала да чатырох гадоў пазбаўлення волі, у гэтым выпадку пра рэальнае ягонае зняволенне гаворка ісці не будзе. Пракуроры, як заявіў суддзя, ужо прызналі, што гэта не «практычная рэкамендацыя».
Эйсмант: Ніякіх выбачэнняў Лукашэнка Зяленскаму не прыносіў, бо прасіць прабачэння нам няма за што1
Каментары