Амаль дзве траціны насельніцтва Літвы ўхваляюць рашэнне краін Балтыі і Польшчы не прымаць расійскіх турыстаў, сведчыць апытанне, праведзенае кампаніяй Vilmorus у верасні па замове BNS, піша Delfi.
Паводле даных даследавання, 62,5 % апытанага насельніцтва поўнасцю згодныя з гэтым рашэннем ці хутчэй падтрымліваюць яго.
Цалкам ці катэгарычна не згодныя з гэтым 24,3%. Яшчэ 13,2% рэспандэнтаў заявілі, што ў іх няма меркавання па гэтым пытанні
Падтрымку гэтай забароны, уведзенай у верасні, выказваюць людзі з вышэйшай адукацыяй і больш высокімі даходамі, жыхары буйных гарадоў і дзяржслужачыя. Між тым, людзі з невысокай адукацыяй, жыхары правінцыі, хатнія гаспадыні і пенсіянеры часцей супраць абмежаванняў на ўезд грамадзян Расіі.
Навуковы супрацоўнік Інстытута міжнародных адносін і палітычных навук Віленскага ўніверсітэта Нерыюс Малюкявічус адзначае, што вынікі апытання адлюстроўваюць той факт, што людзі баяцца Расіі. «У прынцыпе, бягучая геапалітычная сітуацыя адлюстроўваецца ў страхах людзей. Я б сказаў, што гэта рэпрэзентатыўна для цяперашняй сітуацыі», — сказаў BNS Малюкявічус.
У віцэ-спікеркі Каардынацыйнай рады Лізаветы Пракопчык сабралася $12 тысяч даўгоў106
Каментары