У Полацку пасажырка загінула, выходзячы з аўтобуса. Кіроўцу вынеслі прысуд
У Полацку суд вынес прысуд 61‑гадоваму кіроўцу аўтобуса, якога прызналі вінаватым у смерці пасажыркі пасля дарожнага здарэння, паведамляе прэс-служба Генеральнай пракуратуры.
Трагедыя адбылася падчас выканання гарадскога маршруту. Паводле матэрыялаў суда, кіроўца спыніўся для пасадкі і высадкі людзей, але не пераканаўся, што адна з пасажырак не выйшла з салона, і пачаў зачыняць дзверы.
У выніку 93‑гадовая жанчына страціла раўнавагу і ўпала на дарогу. Нягледзячы на тое, што яна знаходзілася побач з аўтобусам і яе можна было заўважыць, кіроўца працягнуў рух далей і наехаў на яе.
Ад атрыманых цяжкіх траўм пенсіянерка загінула на месцы.
Суд прызнаў мужчыну вінаватым у парушэнні правіл дарожнага руху, якое па неасцярожнасці прывяло да смерці чалавека. Яму прызначылі 1 год і 6 месяцаў пазбаўлення волі ў калоніі-пасяленні, а таксама забаранілі кіраваць транспартам на працягу пяці гадоў.
Цяпер чытаюць
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?2
Будучы крэдыт пад 1% на новабудоўлі абрастае падрабязнасцямі. Як зменіцца рынак нерухомасці?
І пра рэальных бандытаў, і пра крыварукага Косцю-плітачніка, і пра сэкс у цягніку. Журналістка з Гомеля напісала кнігу — чытаць яе страшна і смешна1111
Каментары