Інфляцыя па выніках года складзе 19%. Такі прагноз робіць урад. Па выніках 8 месяцаў яна ўжо склала 13,8%.
Сёння Лукашэнка праводзіць нараду з эканамічным блокам. Адной з тэм стала інфляцыя, якая за 8 месяцаў гэтага года ўжо склала 13,8%.
Лукашэнка паставіў задачу — «вярнуцца ў наступным годзе да адназначных велічынь інфляцыі 7-8%».
«На такія высокія значэнні інфляцыі Савет Міністраў і Нацыянальны банк павінны былі адказаць жорсткімі мерамі па стрымліванні цэн. Рост цэн нівелюе ўсе нашы намаганні па павышэнні зарплат і пенсій», — сказаў Лукашэнка.
Ён заявіў, што можна зразумець рост цэн на імпартныя тавары. «Але чаму мы назіраем пастаяннае павышэнне кошту таго, што вырабляем самі з айчыннай сыравіны? Цэны на сыравіну не выраслі. На паліва таксама не выраслі», — здзіўляецца ён.
Віноўнымі ў росце цэн у краіне ён назваў «бяздумнае ўвядзенне санкцый», праз якія «парушыўся звычайны ўклад сусветнага гандлю», а таксама спекулянтаў і пасярэднікаў.
«Пасярэдніцтва быць не павінна! «Таргашы» ўзнімаюць цэны на ўсіх ланцужках», — у каторы раз за 28 год сказаў Лукашэнка.
Што вядома пра беларуса Віктара Павелку, якога ў Польшчы падазраюць у арганізацыі нападаў на расійскіх апазіцыянераў1
Каментары