У Мінску сёння за ўдзел у Маршах судзяць адразу чатыры сямейныя пары
Колькасць судоў па артыкуле 342 Крымінальнага кодэкса не спадае, а ўзрастае.
Кожны дзень па ўсёй Беларусі судзяць людзей за пратэсты. Цяпер гэта новы «народны» артыкул замест адміністрацыйнага 24.23 КаАП (несанкцыянаванае пікетаванне). Толькі сёння, 13 кастрычніка, у Мінску адбудзецца мінімум 9 працэсаў за ўдзел у Маршах, сярод іх — чатыры сямейныя пары, паведамляе «Вясна».
У судзе Маскоўскага раёна судзяць палітвязня Антона Маслыку і яго жонку Кацярыну Еўдакімаву. У сям'і трое дзяцей. Пракурор запрасіў для абодвух па 1,5 года калоніі, хоць Кацярына знаходзіцца пад хатнім арыштам. Сёння Сяргей Кацар вынясе ім прысуд.
У гэтым жа судзе адбываецца суд над палітзняволенымі Святланай і Дзянісам Шарамецьевымі. Іх затрымалі 14 чэрвеня. Справу супраць іх таксама будзе разглядаць Сяргей Кацар — пасля прысуду папярэдняй сям'і.
У судзе Партызанскага раёна справу супраць палітзняволенай Алены Паўловіч і яе мужа Дзмітрыя будзе разглядаць суддзя Міхаіл Макарэвіч. У сям'і двое непаўналетніх дзяцей. Пры затрыманні Алену прымусілі здзіраць са сцяны БЧБ-шпалеры.
Суд Першамайскага раёна Мінска разгледзіць справу супраць Дзіяны і Уладзіміра Лысакоў. Суддзя — Анастасія Кулік.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары