Сёлета навукоўцы і валанцёры правялі штогадовы ўлік птушак, якія зімуюць у Мінску і яго ваколіцах. Праз халоднае надвор'я колькасць птушак значна скарацілася: іх амаль на 40% менш, чым мінулай анамальна цёплай зімой. Але ўсё адно налічылі каля 8 тысяч асобін, піша Sb.by.
Сёлета большасць вадаёмаў замерзла, таму месцаў для жыцця чайкам і качкам засталося няшмат. Тым не менш, спецыялісты зафіксавалі 27 відаў птушак, сярод якіх сем — «чырванакніжнікі».
Сярод іншых на Свіслачы заўважылі рэдкіх качак — шылахвостку (1 асобіну) і свіязь (2 асобіны).
І ўжо сапраўднай рэдкасцю стала сустрэча з двума гаршнэпамі (від кулікоў). Гэта вельмі скрытная птушка, якую нават летам убачыць у нас складана, а яе зімоўка ў нашых шыротах — з’ява ўнікальная.
Арнітолагі адзначаюць, што хоць агульная колькасць птушак і зменшылася, Мінск усё роўна застаецца важным прытулкам для рэдкіх відаў у марозныя часы.
Рыбакі выратавалі ў Пастаўскім раёне рэдкую птушку
Пад Брэстам людзі ад душы ратавалі лебедзяў, высякаючы на сажалцы лёд. Але карысць ад гэтага сумнеўная
Беларуска павесіла кармушку для птушак за акном. Глядзіце, хто да яе прыляцеў
У Іванаве сотні качак трапілі ў ледзяную пастку
«Шкада будзе, калі загіне». Пад Магілёвам ужо некалькі тыдняў спрабуюць уратаваць бусла, які застаўся зімаваць
Цяпер чытаюць
Арыштаваны сенатар Карпіцкі, галоўны доктар Брэсцкай абласной бальніцы8
Каментары