Карпенка заявіў, што ўчасткаў для галасавання за мяжой больш не будзе, і арыгінальна патлумачыў прычыны
Старшыня Цэнтральнай выбарчай камісіі Ігар Карпенка расказаў пра некаторыя змены ў Выбарчы кодэкс. Адна з іх — адмова ад участкаў для галасавання за мяжой.
«У праект закона закладзены нормы, якія адлюстроўваюць вопыт правядзення электаральных кампаній. Так, не будуць утварацца ўчасткі для галасавання за мяжой, што звязана з наяўным адмоўным вопытам правядзення выбарчых кампаній па прычыне неспрыяльнай эпідэміялагічнай абстаноўкі, адсутнасці неабходных умоў для бяспекі работнікаў замежных устаноў і грамадзян, скарачэння колькасці работнікаў дыпламатычных службаў», — патлумачыў ён БелТА.
Дагэтуль Карпенка расказваў, што прапануецца адмяніць парог яўкі на выбарах дэпутатаў.
«Напрыклад, на мясцовых саветах у нас няма парога яўкі выбаршчыкаў. Гэта значыць колькі прыйшло на выбарчыя ўчасткі, ад гэтай колькасці абралі дэпутатаў. На парламенцкіх выбарах парог яўкі ёсць. Вось мы прапануем гэты парог яўкі зняць. Гэта значыць зраўнаваць гэтыя ўсе выбары для таго, каб і камісіям было прасцей працаваць, і суб'ектам, якія арганізуюць усю гэтую дзейнасць», — каментаваў старшыня ЦВК.
Цяпер чытаюць
Беларусаў па вяртанні дамоў на мяжы ўсё часцей раздзяваюць дагала16
Каментары