У вёсцы Турэц‑Баяры ў прыватным доме знайшлі цела 63‑гадовага гаспадара з перарэзаным горлам.
У вёсцы Турэц‑Баяры раніцай у панядзелак, 5 кастрычніка, у пакоі аднаго з прыватных дамоў было знойдзенае цела 63‑гадовага гаспадара з перарэзаным горлам.
Акрамя парэзаў шыі, на целе знойдзеныя шматлікія цялесныя пашкоджанні, сярод якіх зламаны нос і рэбры.
Анатаміраванне паказала, што прычынай смерці сталі рэзаныя раны шыі. Забівалі мужчыну хутка, уся экзэкуцыя працягвалася ўсяго некалькі хвілін. Пацярпелы не аказваў супраціўлення забойцу ці забойцам.
Крымінальную справу па другой частцы 139 артыкула «Забойства з асаблівай жорсткасцю» распачала пракуратура Маладзечанскага раёна. У раскрыцці злачынства задзейнічаныя лепшыя маладзечанскія оперупаўнаважаныя. Групу па раскрыцці асабліва цяжкага злачынства ўзначальвае начальнік крымінальнай міліцыі Валянцін Асіповіч.
Цяпер чытаюць
Сям’ю з Мінска будуць судзіць за здраду дзяржаве і кантрабанду зброі. Іх, падобна, затрымалі на мяжы — вось што вядома7
Каментары