Каханне і сэкс77

Яна Паплаўская, якая сыграла Чырвонага Каптурка, выйшла замуж за журналіста, які на 15 гадоў маладзейшы за яе

Муж таксама перапісаў на яе сваю маёмасць.

55-гадовая Яна Паплаўская зноў выйшла замуж. Беларусам яна добра вядомая перш за ўсё па галоўнай ролі ў фільме «Пра Чырвоны Каптурок» рэжысёра Леаніда Нячаева, знятым на «Беларусьфільме», нагадвае «Камсамольская праўда».

Пара не стала рабіць са свайго шлюбу вялікай урачыстасці, а адзначыла гэтую падзею ў коле самых блізкіх людзей. Новы муж Яны — журналіст Яўген Якаўлеў, выбраннік маладзейшы за яе на 15 гадоў. Знаёмыя яны даўно, з 2007 года, але доўгі час адносіны не выходзілі за межы сяброўскіх. Толькі 7 гадоў таму яны сталі больш асабістымі. Паплаўская прызнаецца, што Якаўлеў заваяваў яе сэрца прыгожымі ўчынкамі.

— Кожны год ён мне па некалькі разоў рабіў прапанову, але я, як тая варона, якая «куста баіцца» пасля першага шлюбу, аднеквалася, — прызналася Яна ў адказ на пытанне перадачы «Ты не паверыш» на НТБ. — Ужо і дзеці мяне ўгаворвалі: калі ты замуж выйдзеш? Жэня ім спадабаўся, яны ж 5 гадоў прыглядаліся.

Пасля афіцыйнай рэгістрацыі шлюбу вядомая актрыса стала ўладальніцай вялікага дома, які муж перапісаў на яе.

— Я ўсё запісваю на Яну, як алігарх. Жартую … Але проста ўсё на Яну афармляем, — сказаў Яўген.

Яна вырашыла не мяняць сваё прозвішча Паплаўская, паколькі, па яе словах, працуе на яго «з чатырох гадоў». Муж да гэтага паставіўся з разуменнем і не стаў настойваць.

Актрыса была 25 гадоў у першым шлюбе з акцёрам і прадзюсарам Сяргеем Гінзбургам, аднак шлюб распаўся з-за здрады Сяргея ў 2011 годзе. Ад Гінзбурга ў Яны двое сыноў, яны ўжо дарослыя: 37-гадовы Клім і 26-гадовы Мікіта. У Яўгена таксама ёсць дачка ад папярэдняга шлюбу — 10-гадовая Ліза. Агульных дзяцей маладыя заводзіць не маюць намеру.

Экс-муж Паплаўскай таксама знайшоў сваё шчасце: 61-гадовы рэжысёр жанаты з 30-гадовай актрысай Вольгай Вінічэнка.

Варта адзначыць, што апошнім часам Яна Паплаўская актыўна выступае за захопніцкую вайну ва Украіне.

Каментары7

  • Вап
    09.11.2022
    поставили бы последний абзац первым. А то прочитал а в конце понял что в грязи порылся
  • шасця маладым
    09.11.2022
    Вап, фу.
    а да апошняга абзаца і не дацягнула... задоўга да яго стала брыдка
  • зануда
    09.11.2022
    Замест "сыграла чырвонага каптурка" трэба б пісаць "сыграла чырвоны бэрэцік". Пра што гутарка ізноў ніхто не зразумее, але фраза будзе без незнаёмых людзям слоў.

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Усе навіны →
Усе навіны

У Расіі дзве дзяўчыны загінулі падчас квэсту — аніматар абліў іх газай, выпадкова падпаліў і ўцёк5

Ілюстратарку з Брэста асудзілі за данаты палку Каліноўскага на шэсць гадоў

Пад Бабруйскам на трасе добра насыпала граду

У Мінску за пратэсты будуць судзіць мужа і жонку. У іх трое дзяцей3

«Усякія сітуацыі ў жыцці бываюць». Павук спытаў у мясцовых уладаў пра шахед, што ўпаў у Акцябрскім3

Ігар Стралкоў (Гіркін) будзе працаваць краўцом у калоніі1

Пасля 2 гадоў зняволення выйшаў на волю старшыня АГП Мікалай Казлоў9

Борыс Джонсан расказаў, у чым змест мірнага плана Дональда Трампа па Украіне7

Лукашэнка: Мы «кінулі якар» у Расіі і Кітаі, але трэба знаходзіць шляхі супрацоўніцтва і з ЕС4

больш чытаных навін
больш лайканых навін

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі10

Брэсцкая айцішніца вярталася з Польшчы з даведкай ад КДБ аб сплаце кампенсацыі за данаты. Шэсць гадоў калоніі

Галоўнае
Усе навіны →