ISW: Бітва за Херсон не скончаная, але расійскія войскі ўступілі ў новую фазу
У Інстытуце вывучэння вайны лічаць, што прыярытэтам для Расіі на Херсонскім кірунку цяпер з'яўляецца арганізаваны вывад сваіх сіл праз Дняпро і затрымка УСУ, а не спробы цалкам спыніць украінскі контрнаступ.
«Украінскі контрнаступ на Херсонскім напрамку са жніўня — скаардынаваная кампанія па перахопе, накіраваная на тое, каб прымусіць расійскія войскі адступіць за Дняпро без неабходнасці буйных наземных наступальных аперацый з боку Украіны, — верагодна, увянчалася поспехам», — гаворыцца ў традыцыйнай зводцы.
На працягу мінулых месяцаў украінскія войскі праводзілі мэтанакіраваную і добра выкананую кампанію па нанясенні ўдараў па месцах засяроджвання расійскіх войскаў, вайсковых аб'ектах і вузлах лагістыкі па ўсёй Херсонскай вобласці, каб зрабіць далейшае ўтрыманне расійскіх пазіцый на заходнім беразе немагчымым без неабходнасці правядзення маштабных і дарагіх наземных аперацый для вызвалення тэрыторыі.
Пры гэтым расійскія крыніцы адзначылі, што вывад войскаў з'яўляецца натуральным следствам мэтанакіраваных і сістэматычных украінскіх удараў, якія каштавалі расійскай групоўцы на заходнім беразе яе асноўных артэрый забеспячэння, што паступова зменшыла іх агульную сілу і магчымасці.
Аналітыкі адзначаюць, што расійскае адступленне наўрад ці з'яўляецца пасткай, якая мае на мэце прывабіць украінскія войскі ў баі пад Херсонам, як мяркуюць некаторыя ўкраінскія і заходнія крыніцы.
«Расійскае камандаванне, безумоўна, будзе спрабаваць запаволіць прасоўванне ўкраінскіх войскаў, каб забяспечыць упарадкаваны адыход, і некаторыя сілы могуць застацца, каб затрымаць украінскія войскі ў самым Херсоне, але гэтыя баі будуць толькі сродкам для вываду як мага большай колькасці расійскіх падраздзяленняў у належным парадку», — сцвярджаюць у ISW.
Тамара Віннікава прадала свой лонданскі дом, завешаны карцінамі самой сябе ШМАТ ФОТА23
Каментары