Мікалай Статкевіч у калоніі захварэў на прастуду. Меркавана, ён зноў у ШІЗА
У лісце да жонкі ад 10 лістапада палітвязень напісаў, што яго ў чарговы раз выклікалі на камісію за «парушэнні». Меркавана, яго зноў адправяць у штрафны ізалятар.
![](http://nashaniva.com/img/w732d4webp1/photos/z_2022_11/statkiewicz221122-5l438.jpg.webp)
«…Падчапіў нейкі вірус — тэмпература, галаўны боль, невялікі кашаль. Але ж пройдзе. У астатнім усё як звычайна. Заўтра выклікаюць на камісію. Так што зноў будзе перапынак у маіх лістах».
Нагадаем, Статкевіч знаходзіцца за кратамі амаль два з паловай гады. 14 снежня 2021 года Мікалаю быў вынесены прысуд: 14 гадоў зняволення ў калоніі асаблівага рэжыму.
Каментары