Грамадства

«Давайце падтрымліваць і распаўсюджваць сваё». Прадпрымальнік Зміцер Завадскі стварае беларускі маркетплэйс

Актывіст і прадпрымальнік Зміцер Завадскі вось ужо паўгода працуе над стварэннем беларускага маркетплэйса за мяжой. Ён распавёў Радыё Унэт пра тое, чаму гэта важна, адказаў на пытанні, чаму ў беларускім маркетплэйсе будзе руская мова, і папрасіў дапамогі ў тых, хто мае магчымасці і жаданне.

Зміцер Завадскі

«Калі я праз палітычную актыўнасць мусіў з’ехаць з Беларусі, сутыкнуўся з тым, што няма добрай беларускай інтэрнэт-крамы. І таму я з мінімумам сродкаў і досведу ў электроннай камерцыі вырашыў зрабіць магчымым для беларусаў набываць тавары з беларускай мовай, даць магчымасць прадпрымальнікам рэалізоўваць свае тавары па ўсім свеце, куды зараз мусілі выехаць людзі з Беларусі», — гаворыць Зміцер Завадскі.

Ён лічыць, што ў цяперашніх варунках усё, што спрыяе развіццю беларускай мовы, беларускай культуры, беларускага прадпрымальніцтва і ўвогуле свабоднага духу — гэта вельмі важна. Сярод тых, каго Зміцер бачыць у ліку карыстальнікаў маркетплэйсу, які ён стварае, не толькі беларусы, якія выехалі з радзімы або жывуць у Беларусі, але і ўвогуле ўсе, хто будзе ведаць пра Беларусь і беларусаў або ствараць нешта па-беларуску.

У фэйсбуку Зміцер звярнуўся да тых, хто можа дапамагчы яму ў ягоным пачынанні, і сярод іншага там просьба падтрымаць з перакладам не толькі на беларускую, але і на рускую мову. Вось як Зміцер Завадскі тлумачыць патрэбу рускай мовы на беларускім маркетплэйсе:

«Мая мэта — максімальна шырока распаўсюдзіць тое, што мае дачыненне да беларускага і Беларусі. Таму, калі б у мяне была магчымасць, я зрабіў бы гэты сайт увогуле на ўсіх мовах свету. Але такой магчымасці няма, таму мы пачынаем з трох моваў — беларускай, англійскай і рускай. Асноўная мова на сайце, безумоўна, будзе беларуская. Больш таго — тавары, спадзяюся, у большасці таксама будуць беларускамоўныя.

Але, на жаль, сітуацыя такая, што нават беларускамоўныя людзі, шукаючы ў інтэрнэце нейкія тавары, шукаюць іх менавіта па-руску. Зразумела, чаму гэта адбываецца — бо няма нашых крамаў, якія б прапаноўвалі тавары па-беларуску. І зараз гэтых людзей пошукавікі накіроўваюць на расійскія сайты.

Але я хачу, каб, калі нават чалавек задаў у пошук нешта па-руску, ён мог патрапіць на беларускі сайт. Бо, калі крама робіць веб-старонку выключна беларускамоўную, то яна не спрыяе пашырэнню беларускіх тавараў, а абмяжоўваецца нейкім вузкім колам».

Зміцер прыводзіць прыклад з украінскай рэчаіснасці. Краіна знаходзіцца ў варожых стасунках з Расіяй, але сайт прэзідэнта Украіны працуе на ўкраінскай, рускай і англійскай мовах. Зміцер тлумачыць гэта тым, што такім чынам нават тым, хто па-руску шукае ў гугле «президент Украины», выдаецца не толькі расійская прапаганда, але і ўкраінскі парадак дня і ўкраінская пазіцыя.

Пачынаў Зміцер сваю працу адзін, але ў апошнія дні ў яго з’явіліся памочнікі. І ўжо праца выкананая на 80%. Але ён просіць ахвочых дапамагчы ў некаторых справах:

«Зараз мы шукаем падтрымку ў перакладзе на беларускую мову, прычым не толькі сайта, але і розных убудаванняў і прыкладанняў, якія выкарыстоўваюцца ў электроннай камерцыі. Таксама вельмі неабходныя кансультацыі юрыстаў. Асабліва тых, якія арыентуюцца ў міжнародным гандлі, бо існуюць пэўныя абмежаванні ў гандлі паміж краінамі, у тым ліку з Беларуссю. Часам патрэбная і падтрымка праграмістаў для таго, каб надзейна абараніць сайт, на якім будуць прыватныя звесткі».

Калі Вы маеце магчымасці і жаданне дапамагчы Змітру Завадскаму ў ягонай справе, то ён запрашае звяртацца да яго праз ягоную старонку ў фэйсбуку. 

«Давайце падтрымліваць сваё. Давайце самі арганізоўвацца, як мы гэта спрабавалі ў 2020-м годзе і ў нас дастаткова добра атрымалася. Давайце працягваць!» — кажа Зміцер Завадскі.

Каментары

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Падчас расійскага ўдару па Львове там была беларуская дэлегацыя5

«Людзі п'юць з балота». Лукашэнка абурыўся якасцю вады ў Смаргоні4

Філасофскія гурткі, «вышэйшыя сілы», платныя курсы, пашпарт грамадзяніна Метагалактыкі — раскрыта дзейнасць секты4

Жыццё па падпісцы. У «Паўночным Беразе» скардзяцца на платную падпіску, патрэбную, каб карыстацца ўсімі функцыямі жыллёвага комплексу13

З'явіўся новы спадарожнікавы здымак пашкоджанняў Керчанскага моста6

Цыганкоў: Рост аўтсайдарства мужчын, іх сыход у парнаграфію і анлайн-гульні — новая праблема чалавецтва66

«Шмат плацяжоў было ў Польшчы». Беларусы масава скардзяцца на блакаванне банкаўскіх картак9

На «Яндэкс Картах» з'явіліся маршруты па Мінску, дзе ёсць пад'ёмнікі і пандусы

Колькі зарабляюць кур'еры на аўто ў дастаўцы «Яндэкс» у Беларусі4

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча12

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць