Адзін з банкаў прапанаваў беларусам мяняць у сябе пашкоджаную валюту
У прэс-службе БНБ-Банка паведамілі пра ўвядзенне новай паслугі, дзякуючы якой беларусы змогуць абмяняць сапсаваныя купюры даляраў, еўра і расійскіх рублёў на новыя. Пачынаючы з 24 красавіка, зрабіць гэта можна ў любым аддзяленні гэтага банка па ўсёй Беларусі.
У банку ўдакладнілі, што памер камісіі складзе 9% ад сумы па курсе Нацбанка, але не менш за 10 беларускіх рублёў. Напрыклад, калі абмяняць пашкоджаную банкноту наміналам 100 даляраў па курсе ў 3,05 рубля, то камісійнае ўзнагароджанне будзе роўнае 27,5 рублям (9% ад 305 рублёў).
Акрамя таго, з 24 красавіка БНБ-Банк уводзіць камісію за зняцце наяўных з карт аплатнай сістэмы «Белкарт», якія былі выпушчаныя ў іншых банках. Цяпер пры атрыманні сродкаў у касах і абменных пунктах БНБ-Банка з беларусаў спішуць камісію сумай 2,5% ад сумы аперацыі.
Цяпер чытаюць
Хто забараняе ў Беларусі кнігі — вось гэтыя 22 чалавекі26
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары