Чыноўнікі расказалі пра паляпшэнне радыяцыйнай сітуацыі ў Беларусі
Намесніца начальніка ўпраўлення па абыходжанні з радыеактыўнымі адходамі і аб'ектамі ядзернай спадчыны Дзяржатамнагляду Кацярына Шмялёва напярэдадні чарговай гадавіны аварыі на Чарнобыльскай АЭС расказала, якая цяпер у Беларускі радыяцыйная сітуацыя.
Паводле слоў чыноўніцы, у цэлым па тэрыторыі радыеактыўнага забруджвання, за выключэннем Палескага дзяржаўнага радыяцыйна-экалагічнага запаведніка, перспектывы добрыя. Радыеактыўны распад адбываецца, зямлі ачышчаюцца, радыяцыйная абстаноўка паляпшаецца.
Шмялёва расказала, што праз 39 гадоў пасля аварыі на Чарнобыльскай АЭС ужо расклалася 60% ад усёй колькасці цэзію-137, які выпаў у 1986 годзе, і прыкладна 62% — стронцыю-90.
Агульная плошча радыеактыўнага забруджвання складае цяпер каля 12% ад тэрыторыі Беларусі. Усяго ў зонах радыеактыўнага забруджвання знаходзяцца 1859 населеных пунктаў, у якіх жыве 930 тысяч чалавек. Сярод іх 181 тысяча — дзеці.
Што тычыцца Палескага дзяржаўнага радыяцыйна— экалагічнага запаведніка, то:
«Гэтая тэрыторыя ў агляднай будучыні не будзе ўцягнутая ў нейкі асаблівы гаспадарчы абарот, а будзе выкарыстоўвацца як эксперыментальна-гаспадарчая зона, як навуковы палігон».
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары