Украіна выйшла з міжнароднага пагаднення аб гарантыях у сферы пенсійнага забеспячэння. Яно датычыць і Беларусі
Украіна выйшла з падпісанага 30 гадоў таму пагаднення аб гарантыях правоў грамадзян дзяржаў СНД у сферы пенсійнага забеспячэння. Пра гэта паведаміў прадстаўнік урада ў Вярхоўнай Радзе Украіны Тарас Мельнічук.
«Здзейснены выхад Украіны з пагаднення аб гарантыях правоў грамадзян краін — удзельніц СНД у галіне пенсійнага забеспячэння, заключанага 13 сакавіка 1992 года ў Маскве», — заявіў Мельнічук.
Пагадненне, у прыватнасці, прадугледжвае, што пры ўсталяванні права на пенсію грамадзянам кожнай з краін-удзельніц улічваецца працоўны стаж, набыты на тэрыторыі былога СССР, у тым ліку пенсіі на льготных падставах і за выслугу гадоў. Таксама ў дакуменце прапісана супрацоўніцтва органаў, якія ажыццяўляюць пенсійнае забеспячэнне ў дзяржавах-удзельніцах. Удзельнікамі пагаднення былі Арменія, Беларусь, Казахстан, Кыргызстан, Малдова, Таджыкістан, Туркменістан, Узбекістан і Украіна.
Акрамя таго, Мельнічук паведаміў пра спыненне дзеяння рамачнага пагаднення паміж украінскім і беларускім урадамі аб супрацоўніцтве ў сферы даследавання і выкарыстання касмічнай прасторы ў мірных мэтах.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны32
Каментары
а ў немірных значыць можна..?