Старшыня Брэсцкага гарвыканкама Аляксандр Рагачук паведаміў, што 30 лістапада ў горадзе можна будзе перыядычна чуць «стралковую кананаду».
«Паводле інфармацыі кіраўніцтва Брэсцкага абласнога ваенкамата, на палігоне «Брэсцкі» праводзяцца інструктарска-метадычныя заняткі з камандзірамі ўзводаў 38-ай асобнай гвардзейскай дэсантна-штурмавой брыгады», — гаворыцца ў паведамленні Рагачука.
Кіраўнік Брэста таксама адзначыў, што мерапрыемствы праходзяць у рамках падрыхтоўкі да новага навучальнага года, які пачынаецца ва Узброеных сілах Беларусі з 1 снежня. «Падстаў для якіх-небудзь турбот у жыхароў горада няма», — падкрэсліў старшыня гарвыканкама.
Раней пра магчымую «стралковую кананаду» Рагачук папярэджваў 24 кастрычніка, што, па яго словах, таксама было звязана з падрыхтоўкай да новага навучальнага года ва Узброеных сілах Беларусі.
Каментары