Колькі трэба не плаціць за камунальныя паслугі, каб страціць жыллё?
У Мінгарвыканкаме расказалі, якія праблемы могуць быць у няплатнікаў.
Людзям, якія спазніліся з плацяжом за камунальныя паслугі, спачатку проста нагадваюць пра аплату з дапамогай аўтадазвону, а потым і асабістага тэлефанавання аператара.
Такім чынам, у выпадку нявыплаты камунальных плацяжоў у вызначаны тэрмін, гэта значыць да 25 чысла (уключна), з 26 чысла тэлефонны нумар неплацельшчыка трапляе ў спісы. Па іх тэлефонны аўтаінфарматар нагадвае пра неабходнасць здзейсніць плацёж. Званкі адбываюцца штодзённа як на гарадскія, так і мабільныя нумары, пішуць «Мінск-Навіны».
Калі жыхар не аплачвае камуналку два месяцы, яму могуць адключыць святло і ваду.
«Так, за мінулы перыяд 2025 года без святла ў сталіцы засталося 4 301 спажывец, і 634 — без вады», — распавяла чыноўніца Мінгарвыканкама Анастасія Гвоздзiк.
На тых, хто не плаціць тры месяцы, скардзяцца ў органы прымусовага выканання. Тут даўжнікоў чакаюць дадатковыя выдаткі: ім давядзецца аплаціць не толькі сам доўг, але і дзяржаўную пошліну, натарыяльны тарыф, прымусовы збор. Больш за тое, судовы выканаўца можа арыштаваць маёмасць, банкаўскі рахунак або машыну даўжніка. А калі ў кватэры з неплацельшчыкам жывуць непаўналетнія дзеці, то сям'ю могуць паставіць у СПС.
Калі запазычанасць дасягае шасці месяцаў і больш, жыхара могуць выселіць. Нават калі кватэра знаходзіцца ў прыватнай уласнасці, за нявыплату яе могуць прадаць на публічных таргах.
«Зусім нядаўна доля жылога памяшкання была прададзена з публічных таргоў. За кошт сродкаў, атрыманых ад рэалізацыі жылля, у першую чаргу пагашаецца запазычанасць за жыллёва-камунальныя паслугі», — распавялі ў Мінгарвыканкаме.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі26
Каментары