Выпускныя цэнтралізаваныя экзамены будуць праводзіць не ў школах
Пра некаторыя дэталі таго, як у Беларусі будуць праводзіцца анансаваныя цэнтралізаваныя экзамены, расказаў міністр адукацыі Андрэй Іванец у інтэрв'ю дзяржаўнаму тэлеканалу.
«Цэнтралізаваны экзамен будзе праводзіцца па-за сценамі школы. Гэта вельмі важны аспект, таму што ён будзе пазбаўлены суб'ектывізму. Мы будзем абсалютна ўпэўненыя, што гэта не толькі ўзровень кантролю ведаў пасля заканчэння школы, але і абсалютна справядлівая ацэнка, абсалютна справядлівы сертыфікат пры паступленні ва ўніверсітэты», — заявіў Іванец.
Па словах чыноўніка, у кожным раённым цэнтры створаць свой пункт здачы цэнтралізаванага экзамену, куды будуць арганізавана дастаўляць вучняў з усяго раёна.
Акрамя таго, у параўнанні з тэстамі, цэнтралізаваны экзамен будзе зменены. У прыватнасці, у ім значна меншай будзе частка А з варыянтамі адказаў на пытанні. Паводле Іванца, гэта было зроблена, «каб прыбраць гэтую «ўгадайку» так званую». Адпаведна пашыраць частку B, у якой неабходна выбудаваць лагічныя ланцужкі і рашыць адпаведныя задачы.
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы3
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары