Калі вы маеце ва ўласнасці больш за адну домагаспадарку, на вас складуць «кантрольную фішку».
Калі вы маеце ва ўласнасці больш за адну домагаспадарку, на вас складуць «кантрольную фішку».
У анкеце перапісу насельніцтва 2009 трэцяе пытанне трэцяга раздзелу гучыць: ці маеце вы ў домагаспадарцы альбо ў аднаго з яе членаў ва ўласнасці іншае жылое памяшканне? Вось з чым сутыкнуўся адзін наш чытач:
перапісчык сам параіў яму не пазначаць, што іншая маёмасць у вас усё ж такі ёсць. Тлумачачы, што ў адваротным выпадку перапісчыку давялося б запаўняць на яго «кантрольную фішку». Маўляў, і клопат лішні, і інфармацыя пра маёмасць пойдзе ў падатковую інспекцыю.
На гарачай лініі «Перапісу насельніцтва 2009» карэспандэнту НН» патлумачылі: «Кантрольная фішка» насамрэч запаўняецца, калі ў вас у валоданні некалькі жылых памяшканняў. Аднак гэтыя звесткі не пойдуць ў падатковую інспекцыю, як і дадзеныя па ўсіх іншых пытаннях.
Студэнт ляпнуў глупства, можа не разабраўся што такое «фішка», а можа проста расхваляваўся. «Кантрольная фішка» — гэта дакумент, які запаўняецца, каб па месцы іншага памяшкання, якое вам належыць, вас не шукалі для перапісу. Гэтая «фішка» адпраўляецца на іншы пункт перапісу, і ўсё. Падатковая гэтую інфармацыю не даведаецца, не хвалюйцеся».
Ці то студэнты-перапісчыкі настолькі непадрыхтаваныя, што самі не ведаюць, навошта і як запаўняць дакументы і «фішкі»? Ці то яны паддаліся агульнай паніцы? Дакладна толькі тое, што ў часе попісу ў кожнага з нас застаецца права адказваць ці не адказваць на пытанні, паводле ўласнага жадання.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу26
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5050
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ50
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары