Былы дырэктар мінскага завода «Мотавела» Мікалай Ладуцька страціў пасаду пасля таго, як сёлета ў жніўні яму зрабіў разнос падчас наведвання прадпрыемства сам Лукашэнка. Цяпер стала вядома, куды яго прызначылі.
Падчас візіту Лукашэнкі на завод «Мотавела» яму прадэманстравалі матацыкл «свайго дызайну», які аказаўся французскім матацыклам, сабраным у Кітаі. Лукашэнка тады заявіў, што хоча прызначыць на мотавелазавод маладога гендырэктара, а для Мікалая Ладуцькі знайсці новую пасаду.
Мікалай Ладуцька ўзначальваў мотавелазавод з 2015 года, а да таго з 2009-га па 2014-ты быў старшынёй Мінскага гарвыканкама.
«Трэба шукаць маладога хуткага дырэктара. А яму знайсці пенсійную пасаду, але таксама хамут на шыю. Слухай, няўжо ты не разумееш, у чым прычына тут. Прычына ў тым, што тут павольна варушыцеся. А ён [Ладуцька] ужо не можа і не хоча. Ну навошта яму?» — заявіў Лукашэнка, фактычна адпраўляючы Ладуцьку ў адстаўку.
Не ўратавала былога дырэктара нават відэа, дзе Ладуцька, публічна прыніжаючыся, гаварыў, што крытыка Лукашэнкі гэта «не крытыка, а бацькоўскае слова».
Цяпер стала вядома, у што ўвасобіўся абяцаны Лукашэнкам «хамут на шыю». Ім для 63-гадовага Ладуцькі стала сціплая пасада першага намесніка камунальнага будаўніча-эксплуатацыйнага ўнітарнага прадпрыемства «Мінская cпадчына».
Пасада, відаць, «няпыльная», але яўна не адпаведная статусу былога кіраўніка ўсяго горада, а таму прыніжальная.
Чытайце таксама:
На месца Ладуцькі на «Мотавела» паставілі новага дырэктара
Дырэктар «Мотавела» Мікалай Ладуцька запісаў пакаяннае відэа
Лукашэнка загадаў памяняць Ладуцьку на мотавелазаводзе, бо той ужо «не можа і не хоча»
«Свой дызайн». Як аказалася, Лукашэнку паказалі французскі матацыкл
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі10
Каментары