Маск адказаў на «эпічны» трэд Мядзведзева: «Cамыя абсурдныя прагнозы, якія я калі-небудзь чуў»
Адзін з найбагацейшых людзей свету Ілан Маск чарговы раз праявіў цікавасць да расійскага сегмента твітара, які набыў сёлета, і пракаментаваў «футурыстычны» прагноз намесніка старшыні Рады бяспекі Расіі Дзмітрыя Мядзведзева на 2023 год, піша РБК.
Мядзведзеў, чыя рыторыка стала вельмі рэзкай і грубай падчас вайны, напярэдадні ўвечары стварыў трэд прадказанняў: нафта па 150 даляраў, газ за 5 тысяч даляраў за кубаметр, распад Еўрасаюза, грамадзянская вайна ў ЗША і г.д. Яшчэ адна фантазія заключалася ў тым, што Польшча і Венгрыя акупуюць заходнія вобласці «былой Украіны».
А Маску Мядзведзеў прадказаў перамогу на выбарах. Невядома, ці спадабалася гэта прадказанне самому бізнэсмену, але ён адгукнуўся і назваў трэд Мядзведзева «эпічным».
Пасля чаго раскрытыкаваў напісанае былым прэзідэнтам Расіі: «гэта, безумоўна, самыя абсурдныя прагнозы, якія я калі-небудзь чуў, яны дэманструюць дзіўную адсутнасць дасведчанасці аб прагрэсе штучнага інтэлекту і ўстойлівай энергетыкі».
Што запісана афіцыйнай прычынай смерці адзінага сына Ярмошынай?8
Каментары