Даты экзаменаў зацверджаны пастановай Мінадукацыі №278, якую сёння апублікавалі на Нацыянальным прававым партале.
Фота: AP Photo / Michal Dyjuk
У 9 класах экзамены пройдуць з 1 па 9 чэрвеня. Будуць здаваць:
- беларускую мову — пераказ у пісьмовай форме;
- рускую мову — пераказ у пісьмовай форме;
- матэматыку — пісьмовую кантрольную працу;
- гісторыю Беларусі — вусна па білетах.
Для выпускнікоў 11 класаў даты наступныя. Беларускую ці рускую мову (на выбар) будуць здаваць 14 мая, рэзервовы дзень — 23 мая. Другі прадмет на выбар — фізіку, матэматыку, хімію, біялогію, замежную мову (ангельскую, нямецкую, іспанскую, французскую, кітайскую), гісторыю Беларусі, сусветную гісторыю (найноўшы час), геаграфію, грамадазнаўства — будуць здаваць 21 мая, рэзервовы дзень — 25 мая.
Каментары