У Пінскім раёне знайшлі косці людзей — ёсць версія, што гэта салдаты Першай сусветнай вайны
Чалавечыя парэшткі знайшлі, калі распрацоўвалі пясчаны кар'ер.
Фота: Дзяржаўны камітэт судовых экспертыз
У Пінскім раёне падчас земляных работ на пясчаным кар'еры знайшлі чалавечыя косткі. Брыгада будаўнікоў выявіла знаходку паблізу вёскі Дубае.
Фрагменты костак забралі і накіравалі ў Дзяржаўны камітэт судовых экспертыз для правядзення медыка-крыміналістычнай экспертызы.
Эксперт устанавіў, што касцяныя парэшткі належаць не менш як двум людзям, улічваючы наяўнасць фрагментаў двух чарапоў. Пахавалі іх больш за 80 гадоў таму.
Згодна са словамі мясцовых жыхароў, у перыяд Першай сусветнай вайны на гэтай тэрыторыі знаходзіўся нямецкі шпіталь.
Каментары