Тэлеканал «Дождь» сабраў 120 тысяч еўра на закупку генератараў для Украіны
Данаты былі сабраныя падчас навагодняга эфіру 31 снежня. Тэлеканал перадаў іх дабрачыннаму фонду Breath, які збірае ахвяраванні і гуманітарную дапамогу для падтрымкі мірных жыхароў Украіны.
Фота ілюстрацыйнае
У прыватнасці, фонд закупляе электрагенератары, якія патрэбны Украіне з-за расійскіх абстрэлаў энергетычнай інфраструктуры, адзначае канал.
У снежні «Дождь» быў пазбаўлены ліцэнзіі на вяшчанне ў Латвіі, куды ён пераехаў пасля пачатку вайны. Нагодай для гэтага сталі парушэнні латвійскага заканадаўства і эфір, у якім вядучы Аляксей Карасцялёў сказаў, што канал «змог дапамагчы многім расійскім вайскоўцам».
Каментары