Орбана спыталі, ці будзе ён віншаваць Петэра Мадзьяра ў выпадку перамогі апазіцыйнай партыі «Ціса»
Падчас галасавання на парламенцкіх выбарах у Венгрыі галоўныя апаненты выступілі з рэзананснымі заявамі.
Лідар апазіцыйнай партыі «Ціса» Петэр Мадзьяр выказаў абсалютную ўпэўненасць у сваёй перамозе, заявіўшы: «Ніхто не можа сур'ёзна думаць, што «Ціса», а разам з ёй і Венгрыя, не выйграе выбары».
Пры гэтым ён падкрэсліў, што апазіцыя прызнае вынікі толькі ў тым выпадку, калі не будзе зафіксавана маштабных фальсіфікацый, якія вырашальна паўплывалі б на вынік.
Мадзьяр таксама спрагназаваў рэкордную яўку і папярэдзіў патэнцыйных парушальнікаў: «Я нікому не раю ісці ў турму замест фідэсаўскіх мафіёзі».
Прэм'ер-міністр Віктар Орбан, адказваючы на пытанне, ці павіншуе ён Мадзьяра ў выпадку паразы «Фідэс», адзначыў: «Так, я заўсёды прытрымліваюся цывілізацыйных стандартаў».
На пытанне «Што б вы зрабілі інакш у гэтай кампаніі?» Орбан адказаў, што гэта не мае значэння, бо яны ўжо гэта перажылі.
На пытанне, ці шкадуе ён пра што-небудзь за апошнія 16 гадоў, ён адказаў: «Вялікі дзякуй, я ў парадку».
Каментуючы знешнепалітычныя пытанні на фоне нядаўніх уцечак у СМІ пра яго сувязі з Крамлём, Орбан ухіліўся і ад пытання, ці лічыць ён сябе сябрам Пуціна, заявіўшы, што Венгрыя імкнецца да сяброўскіх адносін «з лідарамі ўсіх буйных дзяржаў».
Тым часам венгерскія выбаршчыкі сталі ў вялізныя чэргі, каб прагаласаваць.
Good morning Europe! Not even 6 in the morning, and Hungarians are already lining up to vote! Lets get rid of Orban and Russians once, and for all! pic.twitter.com/E74TluNNwP
-
У Крыме мясцовыя скардзяцца не толькі на дэфіцыт паліва, але і прадуктаў
-
Пашынян прагаласаваў на парламенцкіх выбарах у Арменіі. Ён заявіў, што ніякай напружанасці з Расіяй няма, а шлях да ЕС працягнецца
-
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары
Когда проживаете в ЕС хотя бы 10 лет, когда будете платить налоги, страховки, приспосабливаться всевозможным норма, ограничениям и запрета, которые вводятся почти каждый месяц и многое другое, которое можно прочитать на вашем языке в интернете, вот тогда посмотрим, как вы будете оценивать и давать советы.