Літаратура88

Наста Кудасава. На гэтым вусцішным маршруце. Верш

Наста Кудасава апублікавала ў сябе ў фэйсбуку верш.

Яна таксама напісала, што паслужыла нагодаю для напісання верша.

«Час ад часу праз усе муры далятаюць паўнамёкамі навіны з радзімы. І зноў робіцца вусцішна. Самае балючае, канечне, гэта ўсведамленне, як жа многа тых, хто гатовы радавацца чужому гору, даносіць на суседзяў і выслужвацца, каб з радасцю найхутчэй заняць месца, вызваленае ад «ворагаў народу».

Не ведаю, ці магчыма будзе ўвогуле ў найбліжэйшыя гады пабудаваць здаровае грамадства на нашай тэрыторыі, нават пасля вызвалення. Бо часам такое адчуванне, што вызваляць нікога і не трэба, ім і так добра, яны так жывуць і будуць жыць далей, а мы — проста нейкі нешматлікі неканкурэнтаздольны падвід чалавека, які мусіць вымерці, бо не маем зубоў і яду.

Канечне, гэта часовыя думкі, яны потым пройдуць, але, мабыць, не беззваротна, штосьці светлае затухае ў душы пакрысе… Гэты верш я напісала на развітанне, едучы ў маршрутцы з Рагачова ў Гдыню, яшчэ ў жніўні 2022 г., і публікаваць нідзе не збіралася. Мне не падабаецца ягоны настрой і інтанацыі. А цяпер падумала, усё ж хай будзе, для гісторыі, не хочацца хлусіць сабе ні ў чым», — напісала яна.

На гэтым вусцішным маршруце
для шчасця больш няма прычын
А вы — працягвайце, шчыруйце,
прадаўцы, здрайцы, стукачы,
рупліўцы подласці, паяцы…
Ідзіце па маёй зямлі!
Люляйце ў вашых ліпкіх пальцах
мае лясы, мае палі.
Ужо і слёзы мне абрыдлі —
душа ваўком глядзіць з прарэх.
Я здань бяздомная.
Я прывід.
Я цень ля вавілонскіх рэк.

Каментары8

  • -
    28.01.2023
    А вы — працягвайце, шчыруйце,
    прадаўцы, здрайцы, стукачы,
    рупліўцы подласці, паяцы…
    Ідзіце па маёй зямлі!
    https://nashaniva.com/308605

    это приказ, Анастасия?
  • -)
    28.01.2023
    2 плюсіка сабе і 2 мінусіка мне паставілі ZVir і ягоны дружок?)
  • хх
    28.01.2023
    Рэд., заўтра чакаю на сапраўдны верш. а інакш я так не і-граю

    зрэшты чакаю на нешта вартае ў рубрыцы "Літаратура" шмат год ужо

Дыхаў у слухаўку, дасылаў паштоўкі са сваім пахам. Беларускі распавялі пра пераслед сталкераў

Дыхаў у слухаўку, дасылаў паштоўкі са сваім пахам. Беларускі распавялі пра пераслед сталкераў

Усе навіны →
Усе навіны

У Мінску кіроўца тралейбуса насмерць збіла жанчыну на самакаце

У Беларусі з’явіліся даядальнікі навагодніх салатаў. Колькі каштуюць іх паслугі?4

У Барысаве ў краме памёр пакупнік. Эксперты высветлілі прычыну2

Сёрфер з Каліфорніі пераадолеў акіянічную хвалю вышынёй 32 метры5

Кошка вярнулася дахаты пасля сямі гадоў адсутнасці5

Такаеў пра вайну ва Украіне: Расія ў ваенным плане непераможная24

Беларускія банкі ўдала спекулююць на дыспарытэце ставак з Расіяй. Расіяне нам двойчы прыплачваюць10

Служба аховы прэзідэнта Паўднёвай Карэі не дазволіла яго арыштаваць

На трасе М-8 машына вылецела ў кювет і перакулілася. Загінула паўтарагадовая дзяўчынка3

больш чытаных навін
больш лайканых навін

Дыхаў у слухаўку, дасылаў паштоўкі са сваім пахам. Беларускі распавялі пра пераслед сталкераў

Дыхаў у слухаўку, дасылаў паштоўкі са сваім пахам. Беларускі распавялі пра пераслед сталкераў

Галоўнае
Усе навіны →