З 31 студзеня сетка медыцынскіх клінік «Кравіра» аднавіла працу. З-за прэтэнзій Міністэрства аховы здароўя з канца лістапада кліенты вымушаныя былі шукаць іншыя варыянты па медабслугоўванні. Аднак цяпер медыкі вярнуліся да працы, ідзе запіс пацыентаў, паведамляе Onliner.by.
У лістападзе «Кравіра» часова зачынілася. Такое рашэнне было прынятае пасля маніторынгу лячэбна-кантрольнага савета Міністэрства аховы здароўя. У кампаніі распавялі, што за два месяцы ўсе недахопы былі ліквідаваныя, і медыкі зноў гатовыя прымаць кліентаў у трох філіялах па адрасах у Мінску: пр. Пераможцаў, 45; вул. Захарава, 50д; вул. Скрыпнікава, 11б.
Разам з «Кравірай» у лістападзе Міністэрства аховы здароўя прыпыніла дзеянне ліцэнзій прыватнай стаматалогіі «Доктар Нэма» і «ПлеядаМед» (Dental Clinic). Па кантактных тэлефонах, якія размешчаныя ў адкрытым доступе, у гэтых медцэнтрах па-ранейшаму не адказваюць.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары