У мінскі Верхні горад заехаць на машыне будзе яшчэ цяжэй, асабліва па выхадных
Цяпер заехаць на аўтамабілі ў мінскі гістарычны квартал у межах пл. Свабоды — вул. Інтэрнацыянальная — вул. Зыбіцкая стане яшчэ цяжэй. Прапускаць машыны сістэма будзе толькі ў будныя дні і толькі пры наяўнасці свабодных месцаў, піша «Анлайнер».
У сталіцы на тэрыторыю Верхняга горада ўжо даўно проста так не праедзеш. Паркоўкі тут самыя дарагія ў горадзе (па 5 рублёў за першую гадзіну), дзейнічае аднабаковы рух і даўно стаіць шлагбаум на ўездзе на тусовачную вул. Зыбіцкую з боку вул. Інтэрнацыянальнай.
Шлагбаум стаіць настолькі даўно, што некаторыя кіроўцы налаўчыліся аб'язджаць яго. Але раней ён працаваў па прынцыпе адкрытай паркоўкі: заязджаць мог хто заўгодна. Не знайшоў вольнага месца — ці на выезд, або пакідай машыну неяк так.
Цяпер жа там працуе аўтаматызаваная сістэма. Яна прапусціць машыну толькі тады, калі ёсць свабодныя легальныя месцы для стаянкі. Сігналізаваць пра гэта будзе экран з надпісам «Свабодна». А калі будзе напісана «Занята», то шлагбаўм проста не падымецца.
Каля парковачных месцаў устаноўленыя стэнды з інструкцыямі па аплаце. Тарыф — 5 рублёў за першую гадзіну, кожны наступны — яшчэ па 2 рублі. Першыя 10 хвілін бясплатныя (для таго, каб забраць пасажыраў, у тым ліку і для таксі).
Акрамя таго, знакамі абмежавалі доступ для транспарту на выхадныя. Там з'явілася «цагліна» з таблічкай «Акрамя спецтранспарту» і яшчэ адной — якая паказвае часавыя рамкі — з 20:00 пятніцы да 8:00 панядзелка.
Падобная сістэма з экранамі з гэтага часу працуе і пры ўездзе на паркоўку на плошчы Свабоды (з боку як Інтэрнацыянальнай, так і Леніна). Аднак знака, які абмяжоўвае ўезд, няма. Гэта значыць, па выхадных доступ захоўваецца.
Такім чынам, уся тэрыторыя гістарычнага квартала, акрамя плошчы Свабоды, павінна на выхадных стаць пешаходнай зонай.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары