«Нетыповая правакацыя». У Вільні анансавалі сустрэчу з Пазняком, пра якую ён і сам не ведаў
Раней у сацсетках была распаўсюджана інфармацыя, што ў Вільні ў замку ў сераду планавалася сустрэча з Зянонам Пазняком. Сам палітык у сваім фэйсбуку гэта рашуча абвяргае.
«У інтэрнэце з'явіліся дзіўныя аб'явы, што быццам бы Зянон Пазняк прыязджае ў Вільню і будзе з лекцыяй выступаць перад віленчукамі. А ўчора сябра з Вільні мне нават аб'яву прыслаў аб гэтым быццам бы маім выступе ў старым замку», — напісаў ён у сваім фэйсбуку.
Замак — гэта дом, дзе могуць часова жыць беларускія ўцекачы. Іх прымае арганізацыя Dapamoga.
«Увесь фокус падставы ў тым, што я нічога пра тое не ведаю. Ніхто мяне не запрашаў, не тэлефанаваў, не пісаў, не паведамляў. Я нічога не ведаю і, натуральна, нікуды ехаць не збіраюся, разумеючы гэты розыгрыш», — піша Зянон Пазняк.
Ён зазначае, што не будзе разбірацца, хто такой дэзынфармацыяй займаецца і па чыёй тэхналогіі яна зроблена.
«Скажу толькі, што нічога ні ў кога не атрымаецца. Хай пакінуць надзею назаўсёды. Скампраметаваць мяне не ўдалося за трыццаць гадоў перманентнай маскавіцкай прапаганды і ўжо не ўдасца. (І вядома, чаму не ўдасца). Дарэчы, у Вільню — горад маіх дзядоў — я прыязджаю часта, прысвячаю ёй вершы і раблю падарожжа па Віленшчыне. У гэтым годзе летам таксама збіраюся. Хвала Вільні і Віленшчыне, прыўкраснай і вечнай», — рэзюмуе Зянон Станіслававіч.
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Цяпер чытаюць
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары
Цікава, пазняк ужо лічыць севярынца агентурай ці яшчэ не?