Тэлеграм-канал Дзяржаўнага памежнага камітэта паведаміў, што 18 лютага памежны нарад выявіў паблізу беларуска-літоўскай мяжы грамадзяніна Нігерыі, побач з якім знаходзілася цела жанчыны з той жа краіны.
Са слоў мужчыны, яны разам з нявестай планавалі трапіць у Еўропу, але памежнікі Літвы не пусцілі іх на сваю тэрыторыю.
Памежнікі выклікалі брыгаду хуткай дапамогі, але 22-гадовая жанчына памерла.
Паводле статыстыкі ДПК, з пачатку года гэта ўжо шостая смерць нелегальнага мігранта на беларускай мяжы.
Учора стала вядома, што ў аграсядзібе пад Мінскам было затрымана каля 100 мігрантаў з розных краін Азіі і Афрыкі, якія збіраліся перабірацца з Беларусі ў Еўрасаюз.
Чытайце таксама:
Сігнал пра канец шантажу мігрантамі? Пад Мінскам у аграсядзібе АМАП затрымаў амаль 100 нелегалаў
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім1414
Каментары