Мінскае «Дынама» атрымала другую запар перамогу ў Кантынентальнай хакейнай лізе. Прычым, у другі раз быў пераможаны маскоўскі клуб.
Мінскае «Дынама» атрымала другую запар перамогу ў Кантынентальнай хакейнай лізе. Прычым, у другі раз быў пераможаны маскоўскі клуб. Два дні назад хлопцы Андрыеўскага ў гасцях выйгралі ў аднаклубнікаў з Масквы (5:1), а сёння дома — у ЦСКА.
Перамогу зрабілі нашы фіны. Першую шайбу закінуў Юсі Маканен (10‑ая хвіліна). А праз тры хвіліны любімец мінскай публікі — Ханес Хювенен — лік падвоіў. Першы перыяд так і скончыўся.
У сярэдзіне сустрэчы Ягору Міхайлаву ў большасці атрымалася размачыць Мезіна. Другі перыяд дагуляць да канца не атрымалася, бо было выбітае загараджальнае шкло. Дагульвалі яго пасля другога перапынку.
У трэцім перыядзе маскоўцам нічога не заставалася, як ісці наперад. «Дынама» шмат гуляла ў колькаснай меншасці. У адзін момант нават «тры на пяць». Тым не менш, вытрымалі. Перамога «Дынама» — 2:1.
Атрымаўшы тры пункты, беларусы засталіся на дзевятым радку ва Усходняй канферэнцыі. Да мыцішчанскага «Атланта» ўсяго адзін пункт. «Дынама» цяпер мае 26 пунктаў пасля 19 гульняў.
Наступную гульню «Дынама» правядзе дома 1 лістапада з рыжскімі аднаклубнікамі.
Цяпер чытаюць
«Лена 20 рублёў» узялася за старое: знакамітая махлярка зноў разводзіць даверлівых беларусаў9
Каментары